Qarabağ Dirçəliş Fondu işğaldan azad edilmiş ərazilərin bərpası və yenidən qurulması, habelə dayanıqlı iqtisadiyyata və yüksək rifaha malik regiona çevrilməsi istiqamətində həyata keçirilən tədbirlərə maliyyə dəstəyinin göstərilməsini və sərmayələrin cəlb edilməsini, bu sahədə dövlət-özəl tərəfdaşlığının inkişaf etdirilməsini, habelə görülən işlərlə bağlı informasiya təminatını, maarifləndirmə və zəruri təşviqat işlərini həyata keçirən publik hüquqi şəxsdir.
Azərbaycan Respublikasının Mədəniyyət Nazirliyi mədəniyyət, incəsənət, tarix və mədəniyyət abidələrinin qorunması, nəşriyyat və kinematoqrafiya sahələrində dövlət siyasətini və tənzimləməsini həyata keçirən mərkəzi icra hakimiyyəti orqanıdır. Hazırda nazirliyin fəaliyyətində işğaldan azad edilmiş ərazilərdə mədəni irsin bərpası, tarixi abidələrin dirçəldilməsi və regionda mədəni mühitin yenidən qurulması xüsusi strateji əhəmiyyət kəsb edir.
Azərbaycan Rəssamlıq Akademiyası 13 iyun 2000-ci il tarixində Ulu Öndər Heydər Əliyevin fərmanı ilə yaradılmış ali təhsil müəssisəsidir. Akademiya təhsilin bütün formaları üzrə rəngkarlıq, heykəltəraşlıq, qrafika, incəsənət tarixi və nəzəriyyəsi, dizayn, memarlıq, dekorativ-tətbiqi sənət ixtisasları üzrə təhsil fəaliyyətini qanunvericiliklə müəyyən edilmiş qaydada lisenziya və akkreditasiya əsasında həyata keçirir.
PAŞA Kapital İnvestisiya Şirkəti 2012-ci ildə təsis edilmiş və fəaliyyətə başladığı gündən kapital bazarlarında fərdi və hüquqi investorlar üçün müştəri-mərkəzli yanaşma əsaslı əlçatan, innovativ və etibarlı investisiya həlləri təqdim edir. PAŞA Maliyyə Holdinqi və PAŞA Holding səhmdarlığı ilə fəaliyyət göstərən şirkət “Qarabağın Rəngləri: Faciədən Zəfərə” layihəsində iştirak edən gənc rəssamların fəaliyyətini stimullaşdırmaq məqsədilə onların hər birinə xüsusi təqaüd ayırıb.
First News Media (1news.az) 2007-ci il martın 12-də fəaliyyətə başlayan, ölkənin və regionun aparıcı xəbər resurslarından biridir. Azərbaycanda və dünyada baş verən siyasi, iqtisadi, sosial və mədəni hadisələri Azərbaycan, rus və ingilis dillərində operativ şəkildə geniş oxucu kütləsinə çatdıran agentlik “Qarabağın Rəngləri: Faciədən Zəfərə” layihəsinin informasiya dəstəkçisidir.