Əsər satın al,
Qarabağın dirçəlişinə dəstək ol!
Qarabağ Dirçəliş Fondunun təşəbbüsü və təşkilatçılığı, Azərbaycan Respublikasının Mədəniyyət Nazirliyi və Azərbaycan Dövlət Rəssamlıq Akademiyasının təşkilati dəstəyi ilə “Qarabağın Rəngləri” adlı layihənin icrasına başlanılıb.
Layihə çərçivəsində Azərbaycan Dövlət Rəssamlıq Akademiyasının tələbəsi olan 23 nəfər istedadlı gənc rəssam və heykəltəraş tərəfindən Qarabağın zəngin və rəngarəng təbiətini, tarixi abidələrinin səssiz hekayələrini, mədəni irsin döyünən nəbzini və xalqımızın əzmkar ruhunu əks etdirən 19 rəsm və 4 heykəltəraşlıq əsəri ərsəyə gətirilib.
Gənc müəlliflərin yağlı, akril boya və gil vasitəsilə hazırladıqları çox məzmunlu sənət əsərləri Qarabağın füsunkar və rəngarəng mənzərəsini, tarixi abidələrinin səssiz hekayələrini, mədəni irsin döyünən nəbzini və xalqımızın əzmkar ruhunu özündə birləşdirir.
Gənc müəlliflərinin yaradıcılığı ənənəvi sərhədləri aşaraq təkcə mənzərələri deyil, həm də dərin təfəkkür və düşüncələrin mahiyyətini əhatə edir. Əsərlər insanda fərqli emosiyalar oyatmaqla bərabər, Qarabağ üçün ümidli, parlaq gələcəyi, dirçəliş və çiçəklənmə istiqamətində ümumi yanaşmanı ifadə edir.
Möhtəşəm zəfərin tərənnümü, gələcəyə inamlı baxışın və Qarabağın sarsılmaz ruhunun ifadəsi olan sənət əsərlərinin xeyriyyə hərracı vasitəsilə satışa çıxarılması və əldə olunan gəlirin Qarabağ Dirçəliş Fonduna ianə edilməsi nəzərdə tutulub.
