İnqa Şmidt

Inqa Şmidt 1952-ci ildə, Almaniyanın Wiehe şəhərində anadan olub.1977-ci ildə Leypsiq Universitetində İncəsənət Tarixi və Germanistika üzrə magistr dərəcəsini bitirdikdən sonra Halle şəhərindəki Burg Giebichenstein İncəsənət və Dizayn Universitetində Rəssamlıq və Qrafika üzrə təhsil alıb və 1983-cü ildə məzun olub.

1984-1988-ci ilə Berlin İncəsənət Universitetində rəngkarlıq üzrə təhsil alıb. 2012-ci ildə Azərbaycan Rəssamlıq Akademiyasının fəxri doktoru adına layiq görülüb. 1994-cü ildən Azərbaycan Rəssamlıq Akademiyasının, həmçinin Berlin HTK Akademiyasının, Berlin İncəsənət Universitetinin və Potsdam Universitetinin qonaq professoru və mühazirəçisidir.

Dünyanın müxtəlif ölkələrinə, o cümlədən Avrasiya, Cənub-Şərqi Asiya və Latın Amerikasına etdiyi səyahətlərdən ilhamlanan rəssam, ekspressiv realizm üslubunda yaratdığı “Başlar” portret seriyası ilə beynəlxalq aləmdə tanınır. Almaniya, ABŞ, Azərbaycan, Polşa, Fransa, İtaliya, Böyük Britaniya və digər ölkələrdə çoxsaylı fərdi və qrup sərgiləri təşkil olunub.

Son illərdə Nyu-Yorkda (BMT-nin mənzil-qərargahı, 2016), ABŞ-ın Marfa şəhərində (2015, 2016) və Bakıda (Muzey Mərkəzi, 2013, Heydər Əiyev Mərkəzi, 2025, MAMA “Ana təbiət” sərgisində iştirak) beynəlxalq səviyyəli fərdi sərgiləri keçirilib. Hazırda Berlində yaşayır və fəaliyyətini davam etdirir.